ქვეკომპონენტი სასოფლო-სამეურნეო დანიშნულების და ხე-ტყის დამამზადებელი მექანიზაციისთვის

1. ქვეკომპონენტის ფარგლებში შეღავათიანი აგროლიზინგი გაიცემა მხოლოდ სასოფლო-სამეურნეო დანიშულების ტექნიკისა და იმპლემენტის ან/და ხე-ტყის დამამზადებელი ტექნიკის და იმპლემენტებისა შესასყიდად (ხე-ტყის დამამზადებელი ტექნიკის და იმპლემენტების შესაბამისობა უნდა დასტურდებოდეს სსიპ „ეროვნული სატყეო სააგენტოს“ მიერ გაცემული ცნობით) , რომელთა შესყიდვა შესაძლებელია განხორციელდეს მხოლოდ უნაღდო ანგარიშსწორებით.
2. ქვეკომპონენტის ფარგლებში იმპლემენტის ლიზინგით მიღება დასაშვებია მხოლოდ იმ შემთხვევაში, თუ პროგრამის მონაწილეს რეგისტრირებულ საკუთრებაში გააჩნია შესაბამისი ტექნიკა (დადასტურებულ უნდა იქნეს სათანადო დოკუმენტაციით) ან გაცემული აგროლიზინგის მიზნობრიობას წარმოადგენს შესაბამისი ტექნიკ(ებ)ისა იმპლემენტ(ებ)ის ერთობლივად ლიზინგით მიღება.
3. ქვეკომპონენტის ფარგლებში ტექნიკის ლიზინგით მიღება შესაძლებელია ადგილობრივ ბაზარზე (საქართველოში რეგისტრირებულ ინდმეწარმისგან ან/და იურიდიული პირისგან) ან იმპორტის გზით.
4. ლიზინგით მისაღები  ტექნიკა უნდა იყოს ახალი (გარდა შპს „სოფლის მეურნეობის ლოჯისტიკის და სერვისების კომპანიისგან“ (ს/კ: 206348736) ან/და შპს „აგროსერვის ცენტრისგან“ (ს/კ 406321065)  შესაძენი  ტექნიკისა), კერძოდ, უნდა აკმაყოფილებდეს შემდეგ ორ პირობას: 
   ა) ტექნიკის ლიზინგით მიღების მომენტში უნდა მოქმედებდეს ტექნიკის მწარმოებელი კომპანიის მიერ გაცემული გარანტია (გარდა შპს „სოფლის მეურნეობის ლოჯისტიკის და სერვისების კომპანიისგან“ (ს/კ:206348736) ან/და შპს „აგროსერვის ცენტრისგან“ (ს/კ 406321065)  შესაძენი ტექნიკისა);
   ბ) ტექნიკა წარმოებული უნდა იყოს ლიზინგით მიღებამდე არაუმეტეს 3 კალენდარული წლით ადრე (გარდა შპს ,,სოფლის მეურნეობის ლოჯისტიკის და სერვისების კომპანიისგან“ (ს/კ 206348736) ან/და შპს „აგროსერვის ცენტრისგან“ (ს/კ 406321065)  ლიზინგით მისაღები ტექნიკისა);
5. ქვეკომპონენტის ფარგლებში შეღავათიანი აგროლიზინგით სარგებლობა შეუძლიათ შემდეგ პირებს:
   ა) საქართველოს მოქალაქე ფიზიკურ პირს (7,000 ლარიდან 75,000 ლარამდე);
   ბ) საქართველოში რეგისტრირებულ ინდ. მეწარმეებს ან იურიდიულ პირებს (ქვეკომპონენტით განსაზღვრულ ლიმიტის ფარგლებში, ნებისმიერი თანხის შემთხვევაში).
6. ქვეკომპონენტის ფარგლებში შეღავათიანი აგროლიზინგი განისაზღვრება 7,000 ლარიდან 1,500,000 ლარის ჩათვლით. ბენეფიციარის მიერ „შეღავათიანი აგროკრედიტის პროექტის“ შეღავათიანი აგროკრედიტი ძირითადი საშუალებებისათვის შეღავათიანი აგროლიზინგის კომპონენტის ფარგლებში აღებული შეღავათიანი აგოკრედიტ(ებ)ისა და აგროლიზინგ(ებ)ის ჯამი არ უნდა აღემატებოდეს 1,500,000 ლარს.“.
7. ქვეკომპონენტის ფარგლებში სააგენტოს მიზნობრივი თანადაფინანსების ოდენობა შეადგენს ლიზინგის გამცემის ინვესტიციის წლიურ 9%-ს, რომელსაც სააგენტო გადაუხდის ლიზინგის მიმღებს, მის მიერ ხელშეკრულებით დადგენილი სალიზინგო საზღაურის გადახდის გრაფიკის შესაბამისად, სალიზინგო საზღაურის გადახდის შემდეგ.
8. ქვეკომპონენტის ფარგლებში სააგენტო განახორციელებს არა უმეტეს 48 თვის სალიზინგო საზღაურის თანადაფინანსებას, აგროლიზინგის გაცემიდან არა უმეტეს 50 თვის განმავლობაში
9. დაუშვებელია მოხდეს ქვეკომპონენტის ფარგლებში დაფინანსულებული ლიზინგის საგნის (სასოფლო-სამეურნეო დანიშნულების ტექნიკის) გატანა საქართველოს საზღვრის გარეთ, სააგენტოს მიერ ლიზინგის თანადაფინანსების პერდიოდის განმავლობაში.
10. შეღავათიანი აგროლიზინგის ის პირობები, რაც არ არის გათვალისწინებული ამ ქვეკომპონენტით, რეგულირდება შეღავათიანი აგროლიზინგის კომპონენტის საერთო პირობებით.