ტერმინთა განმარტება

პოტენციური ბენეფიციარი - პირი, რომელსაც  იმერეთის ან/და გურიის რეგიონებში „მერძევეობის დარგის მოდერნიზაციისა და ბაზარზე წვდომის სახელმწიფო პროგრამის დამტკიცების შესახებ“ საქართველოს მთავრობის 2020 წლის 10 აპრილის №235 დადგენილების საფუძველზე დამტკიცებული „მერძევეობის დარგის მოდერნიზაციისა და ბაზარზე წვდომის სახელმწიფო პროგრამის“ ფარგლებში შექმნილი აქვს ფერმერული მეურნეობა ან/და „საპილოტე პროგრამა ქალებისთვის“ საქართველოს მთავრობის 2022 წლის 15 აგვისტოს №1488 განკარგულების საფუძველზე დამტკიცებული „საპილოტე პროგრამა ქალებისთვის“ ფარგლებში შექმნილი აქვს სასათბურე მეურნეობა ან/და „შეღავათიანი აგროკრედიტის პროექტისა და გადამამუშავებელი და შემნახველი საწარმოების თანადაფინანსების პროექტის დამტკიცების შესახებ“ საქართველოს მთავრობის 2014 წლის 27 იანვრის №139 განკარგულებით დამტკიცებული „გადამამუშავებელი და შემნახველი საწარმოების თანადაფინანსების პროექტის“  ფარგლებში შექმნილი აქვს გადამამუშავებელი ან/და შემნახველი საწარმო ან/და „შეღავათიანი აგროკრედიტის პროექტის“ ფარგლებში შექმნილი აქვს გადამამუშავებელი ან/და შემნახველი საწარმო ან/და მსხვილფეხა ან/და წვრილფეხა პირუტყვის ფერმა ან/და სასათბურე მეურნეობა;

ობიექტი - „მერძევეობის დარგის მოდერნიზაციისა და ბაზარზე წვდომის სახელმწიფო პროგრამის დამტკიცების შესახებ“ საქართველოს მთავრობის 2020 წლის 10 აპრილის №235 დადგენილების საფუძველზე დამტკიცებული „მერძევეობის დარგის მოდერნიზაციისა და ბაზარზე წვდომის სახელმწიფო პროგრამის“ ფარგლებში შექმნილი ფერმა ან/და „საპილოტე პროგრამა ქალებისთვის“ საქართველოს მთავრობის 2022 წლის 15 აგვისტოს №1488 განკარგულების საფუძველზე დამტკიცებული „საპილოტე პროგრამა ქალებისთვის“ ფარგლებში შექმნილი სასათბურე მეურნეობა ან/და „შეღავათიანი აგროკრედიტის პროექტისა და გადამამუშავებელი და შემნახველი საწარმოების თანადაფინანსების პროექტის დამტკიცების შესახებ“ საქართველოს მთავრობის 2014 წლის 27 იანვრის №139 განკარგულებით დამტკიცებული „გადამამუშავებელი და შემნახველი საწარმოების თანადაფინანსების პროექტის“  ფარგლებში შექმნილი გადამამუშავებელი ან/და შემნახველი საწარმო ან/და „შეღავათიანი აგროკრედიტის პროექტის“ ფარგლებში შექმნილი გადამამუშავებელი ან/და შემნახველი საწარმო ან/და მსხვილფეხა ან/და წვრილფეხა პირუტყვის ფერმა ან/და სასათბურე მეურნეობა;

დასკვნა - საქართველოს ფინანსთა სამინისტროს სისტემაში შემავალი სახელმწიფო საქვეუწყებო დაწესებულების – ბუღალტრული აღრიცხვის, ანგარიშგებისა და აუდიტის ზედამხედველობის სამსახურის მიერ წარმოებულ რეესტრში არსებული პირის საექსპერტო/აუდიტორული ან სსიპ − ლევან სამხარაულის სახელობის სასამართლო ექსპერტიზის ეროვნული ბიუროს დასკვნა საინვესტიციო ღირებულების მიზნობრივად ხარჯვასა და მიზნობრიობის შესრულებასთან დაკავშირებით.