პროგრამაში მონაწილეობის პირობები და თანადაფინანსება

პროგრამა ითვალისწინებს ერთი პოტენციური ბენეფიციარისათვის არაუმეტეს ერთი სასათბურე მეურნეობის ან/და ერთი ფერმის/ მსხვილფეხა ან/და წვრილფეხა პირუტყვის ფერმის ან/და ერთი შემნახველი ან/და გადამამუშავებელი საწარმოსათვის მიზნობრივი ერთჯერადი დახმარების გამოყოფას შემდეგი პირობებით:

ა) სასათბურე მეურნეობის აღდგენის შემთხვევაში პროექტის ღირებულების არაუმეტეს 25,000 ლარის ოდენობით;

ბ) ფერმის / მსხვილფეხა ან/და წვრილფეხა პირუტყვის ფერმის აღდგენის შემთხვევაში პროექტის ღირებულების არაუმეტეს 40,000 ლარის ოდენობით;

გ) შემნახველი ან/და გადამამუშავებელი საწარმოს აღდგენის შემთხვევაში პროექტის ღირებულების არაუმეტეს 100,000 ლარის ოდენობით.

სააგენტო უზრუნველყოფს დახმარების გაცემას, ბენეფიციარის მიერ ხელშეკრულებით გათვალისწინებული ობიექტის აღდგენიდან 2 თვის ვადის შემდეგ.