განაცხადის შევსებული ფორმისა (ბრენდირების მიზნობრიობის შემთხვევაში, ბრენდინგის მზადყოფნის კითხვარისა)და თანმდევი დოკუმენტაციის მატერიალური სახით წარმოდგენა შესაძლებელია სოფლის განვითარების სააგენტოს ცენტრალურ ოფისში, რეგიონულ სამმართველოებში ან საინფორმაციო-საკონსულტაციო ცენტრებში.

ამასთანავე, აღნიშნული დოკუმენტაციის წარმოდგენა შესაძლებელია სააგენტოს ელ-ფოსტაზე: document@rda.gov.ge . 

დოკუმენტაციას თან უნდა ერთოდეს განცხადება ახალი განაცხადის წარმოდგენასთან დაკავშირებით.

მონაწილე ვალდებულია:

• უზრუნველყოს სურსათის უვნებლობის მართვის საერთაშორისო სისტემების/სტანდარტების დანერგვა და სერტიფიცირება  ხელშეკრულების გაფორმებიდან არაუმეტეს 36 თვის ვადაში;
• უზრუნველყოს ბრენდირებისა და შეფუთვის დიზაინის შექმნა შესაბამისი მიზნობრიობის ხელშეკრულების გაფორმებიდან არაუმეტეს 18 თვის ვადაში;
• არ მოახდინოს პროდუქტის ბრენდირებისათვის/საბოლოო სასაქონლო სახის მისაცემად საჭირო აღჭურვილობის გასხვისება შესაბამისი მიზნობრიობის ხელშეკრულების გაფორმებიდან ხელშეკრულებით გათვალისწინებული თანადაფინასების მიღებიდან 24 თვის განმავლობაში;
• უცხოელი კონსულტანტის მომსახურების თანადაფინანსების მიმართულებით გათვალისწინებული მიზნობრიობის შემთხვევაში, ხელშეკრულებით გათვალისწინებული ვალდებულებების შესრულების დადასტურების მიზნით, ბენეფიციარმა სააგენტოში წარადგინოს დეტალური ანგარიში კონსულტანტის/ტექნიკური კონსულტანტის მიერ გაწეული საქმიანობისა და რეკომენდაციების შესახებ;
• უზრუნველყოს კონსულტანტის ან/და ტექნიკური კონსულტანტის მიერ არანაკლებ 1-დღიანი სასწავლო კურსის ჩატარება სააგენტოს მიერ განსაზღვრული პირებისთვის და შესაბამისი საპრეზენტაციო მასალის მომზადება, პროდუქციის შენახვა/ტრანსპორტირების მიმართულებით  ან/და შესაბამისი კულტურის წარმოების შესახებ.