გარემოს დაცვისა და სოფლის მეურნეობის სამინისტროს მხარდაჭერითა და სოფლის განვითარების სააგენტოს ორგანიზებით, აზერბაიჯანის რესპუბლიკაში,  ქ. ბაქოში, სოფლის მეურნეობის საერთაშორისო გამოფენაზე „CASPIAN AGRO 2025“ 7 ქართულმა კომპანიამ დამთვალიერებელს საკუთარი წარმოების სასოფლო-სამეურნეო პროდუქცია გააცნო. 

საქართველოს სტენდზე წარმოდგენილი იყო კომპანიების ,,აჩინებული", ,,ჰობი", ,,რჩეული", ,,სადილი", ,,კულა", ,,ვინიტორი მუკუზნის მეღვინეობა" , ,,ჯეოფერტი" წარმოებული ქართული ღვინო, თაფლი, საკონსერვო ნაწარმი, ნატურალური წვენები, ტყემალი, აჯიკა, ჩაი და სხვა. 

ბაქოში გამართულ გამოფენას გარემოს დაცვისა და სოფლის მეურნეობის მინისტრი დავით სონღულაშვილი, მინისტრის მოადგილე ლაშა დოლიძე, საქართველოს საგანგებო და სრულუფლებიანი ელჩი ზურაბ პატარაძე და სოფლის განვითარების სააგენტოს დირექტორი გიორგი დარჩია ესწრებოდნენ. 

მიმდინარე წელს, გამოფენაში მონაწილეობას 30-ზე მეტი ქვეყანა და სოფლის მეურნეობის სექტორში მოქმედი 450-მდე ადგილობრივი და საერთაშორისო კომპანია იღებდა.