გაეროს განვითარების პროგრამის მხარდაჭერით გამართული 3 დღიანი ტრენინგი  ჩრდილოეთ მაკედონიიდან მოწვეულმა ექსპერტმა ვანგელ ნანევესკიმ ადგილობრივ  კონსულტანტ ალექსანდრე ქავთარაძესთან ერთად ჩაატარა. 

სასწავლო კურსი მოიცავდა როგორც თეორიულ, ასევე პრაქტიკულ კურსს  EU IPARD მოთხოვნების შესაბამისად,  ბენეფიციართა შემოწმებისა და კონტროლის  პროცესის წარმართვის  შესახებ.  

ტრენინგის ფარგლებში ასევე განიხილეს საველე მონიტორინგის წარმოების არსებული პრაქტიკის ანალიზის შედეგად გამოვლენილი ძირითადი მიგნებები, მოახდინეს შესაძლებლობების შეფასება, თანხვედრისა და განსხვავებების იდენტიფიცირება. 

EU IPARD (ევროკავშირში(EU) გაწევრიანების პროცესში მყოფი ქვეყნების  წინასწარი დახმარების ინსტრუმენტი.)  მოთხოვნების,  შესაბამისი სისტემის შესახებ ტრენინგი   სოფლის განვითარების სააგენტოს ინსტიტუციური რეფორმის, სააგენტოს გადამხდელ სააგენტოდ (Paying Agency)  გარდაქმნის პროცესში დაგეგმილი ერთ-ერთი აქტივობაა.