თანადაფინანსება

პროგრამა ითვალისწინებს მერძევეობის დარგის სხვადასხვა მიმართულებების თანადაფინანსებას:

შენიშვნა: პროგრამაში მონაწილეობის მსურველებს შეუძლიათ ერთდროულად  მიიღონ თანადაფინანსება პროგრამის: რძის პირველადი წარმოებისა (ფერმის მოწყობის) და მზის ენერგიაზე მომუშავე ელ. სადგურის მიმართულებით.

იმ შემთხვევაში თუ პოტენციურ  ბენეფიციარს სურს მზის ენერგიაზე მომუშავე ელ. სადგურის მოწყობა, მის საკუთრებაში უნდა იყოს არანაკლებ 1 და არაუმეტეს 20 მეწველი მსხვილფეხა საქონელი, ხოლო რძის პირველადი წარმოების (ფერმის მოწყობის) მიმართულებით, ბენეფიციარს საკუთრებაში უნდა ჰყავდეს არანაკლებ 1 და არაუმეტეს 25 მეწველი მსხვილფეხა საქონელი.

შეზღუდვები

პროგრამა არ ითვალისწინებს შემდეგი ხარჯების დაფინანსებას:

ა) უძრავი ქონების, მათ შორის მიწის,  შესყიდვა;

ბ) საპროექტო მომსახურება;

გ) კრედიტებისა და სხვა ვალდებულებების დაფარვა;

დ) საწარმოს აქციების/წილების შესყიდვა;

ე) ცხოველის  შესყიდვა. 

პროგრამაში მონაწილეობის მსურველი ან/და მისი დამფუძნებელი/მეწილე/აქციონერი/მეპაიე ვერ მიიღებს პროგრამით გათვალისწინებულ თანადაფინანსებას, თუ ფლობს წილს/აქციას/პაის პროგრამის ფარგლებში მისთვის საქართველოში რეგისტრირებულ საქონლის/მომსახურების მიმწოდებელ/მშენებლობის შემსრულებელ  კომპანიაში.

პროგრამის მონაწილემ, ხელშეკრულებით გათვალისწინებული მიზნობრიობის შესრულების დასადასტურებლად, უნდა წარადგინოს სახელმწიფო საქვეუწყებო დაწესებულების – ბუღალტრული აღრიცხვის, ანგარიშგებისა და აუდიტის ზედამხედველობის სამსახურის მიერ წარმოებულ რეესტრში არსებული პირის საექსპერტო/აუდიტორული ან სსიპ “ლევან სამხარაულის სახელობის სასამართლო ექსპერტიზის” ეროვნული ბიუროს დასკვნა, საინვესტიციო ღირებულების მიზნობრივად ხარჯვასა და მიზნობრიობის შესრულებასთან დაკავშირებით. მასში აღწერილი უნდა იყოს დასკვნის მომზადების მეთოდოლოგია და თან უნდა ახლდეს ფულადი სახსრების ხარჯვის დამადასტურებელი დოკუმენტაციის ასლ(ებ)ი.

პროგრამის ფარგლებში შექმნილი/მოდერნიზებული/გაფართოებული ფერმა უნდა აკმაყოფილებდეს ფერმის სტანდარტს.