მაღალმთიან რეგიონებში სახელმწიფო საკუთრებაში არსებული სათიბ-საძოვრების რაციონალურად გამოყენების პროგრამის ფარგლებში კონკურსის გზით გამოვლენილ სასოფლო-სამეურნეო კოოპერატივებს რძის გადამამუშავებელი საწარმო საბაზრო ღირებულების 25%-ად გადაეცათ.

პროგრამა მოიცავდა ორ კომპონენტს: 

  • სასოფლო-სამეურნეო სტატუსის მქონე კოოპერატივებისათვის 25 წლიანი იჯარით სახელმწიფო საკუთრებაში არსებული სათიბ-საძოვრებისა  და სასოფლო-სამეურნეო ტექნიკის გადაცემას
  • რძის გადამმუშავებელი საწარმოების აშენებას

პროგრამის ფარგლებში, პროგრამით განსაზღვრული პირობების შესაბამისად, 25 სასოფლო-სამეურნეო კოოპერატივს გადაეცათ ჯამურად 13,668 ჰექტარი სათიბ-საძოვრები და სახელმწიფოს მხრიდან 90%-იანი თანადაფინანსებით სასოფლო-სამეურნეო ტექნიკა (ტრაქტორი და მისაბმელი აგრეგატები).

დუშეთის მუნიციპალიტეტის სოფელ შუაფხოში აშენდა და შესაბამისი დანადგარებით აღიჭურვა რძის გადამამუშავებელი საწარმო, რომელიც პროგრამით დადგენილი პირობების შესაბამისად გადაეცა კონკურსის წესით გამოვლენილ სასოფლო-სამეურნეო კოოპერატივს.